Web Toolbar by Wibiya
མདུན་ངོས། ནང་ཆོས། ལྟ་བའི་སྐོར།
 

ལྟ་བའི་སྐོར།

རབ་བྱེད་བཅོ་བརྒྱད་པའི་དཔྱད་རྩོམ།

འབྲི་ལྷ་རམས་དགེ་བཤེས་ངག་དབང་ཐོགས་མེད།

 

                        ཐེག་གསུམ་བྱང་ཆུབ་བགྲོད་ལ་ལྟ་བའི་མིག །

                       ཡང་དག་ཇི་བཞིན་གསལ་བར་སྟོན་མཛད་པའི།།

                       སྟོན་མཆོག་ཤིང་རྟ་ཆེན་པོ་ཡབ་སྲས་དང་།།

                       འཇམ་མགོན་བླ་མ་སྲས་དང་བཅས་ལ་འདུད།།

ནང་དོན་རྒྱས་པ།...
རྟེན་འབྱུང་།

སེར་ལྷོ་འབྲི་རུ་ལྷ་རམས་པ་ངག་དབང་ཐོགས་མེད།

ལྟ་བ་རྟེན་འབྱུང་ཞེས་པ་ནི། གཟུགས་སྒྲ་སོགས་བསྐྱེད་མཆེད་བཅུ་གཉིས་ཀྱི་ཆོས་ཐམས་ཅད་ཡོད་པར་འདོད་པ་ཕྱི་ནང་ཀུན་མཚུངས་ཀྱང་། ཡོད་ཚུལ་ལམ་ཡོད་པའི་རྒྱུ་མཚན་མི་འདྲ་བས། ནང་པའི་གྲུབ་མཐའ་སྨྲ་བ་རྣམས་ཀྱིས་འབྲས་བུའི་ཆོས་རྣམས་རང་གི་རྒྱུ་རྐྱེན་གཞན་ལ་ལྟོས་ནས་གྲུབ་པའི་རྟེན་འབྱུང་དང་། རང་གི་ཆ་ཤས་ལ་ལྟོས་ནས་གྲུབ་པའི་རྟེན་འབྱུང་དང་། མིང་དང་རྟོག་པས་བཏགས་པའི་རྟེན་འབྱུང་སྟེ། རྟེན་འབྱུང་ལ་ཕྲ་རག་མི་འདྲ་བ་གསུམ་རང་སྡེ་དངོས་སྨྲ་བ་དང་། དབུ་མ་པ་དག་གིས་འདོད། རྟེན་འབྱུང་ཕྲ་རག་ཙམ་ལས་འབྲས་བུའི་ཆོས་རྣམས་རང་གི་རྒྱུ་རྐྱེན་ལ་ལྟོས་པའི་ལྟོས་གྲུབ་ཀྱི་རིགས་པ་སོགས་ཀྱིས་ལྟོས་གྲུབ་མ་ཡིན་པའི་འདུས་བྱས་ཅུང་ཟད་ཀྱང་མི་འདོད་པ་ནི་ནང་པ་སྤྱིའི་ལྟ་གྲུབ་དང་། སྤྱོད་པ་འཚེ་མེད་ནི། མཆོག་གསུམ་ལ་སྐྱབས་སུ་སོང་བས། སྐྱབས་འགྲོའི་བསླབ་བྱ་ལས། དམ་པའི་ཆོས་ལ་སྐྱབས་སོང་བས། །འཚེ་ཤིང་གསོད་པའི་སེམས་དང་བྲལ། །ཞེས་དང་། རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་གཅིག །ཅེས་གསུངས་པ་ལྟར། རང་གཞན་བདེ་སྡུག་འདོད་མི་འདོད་མཚུངས་པས། གཞན་ལ་ཕན་མ་ཐོགས་ནའང་གནོད་པའི་འཚེ་བ་སྤོང་བ་ནི་ནང་པ་བ་རྣམས་ཀྱི་སྤྱིའི་སྤྱོད་པ་ཡིན་ནོ།། 

 

རྩོམ་ཡིག་འདི་ཐེངས་ 10217 བཀླགས་འདུག

 

«StartPrev123NextEnd»
Page 1 of 3