འཇིག་རྟེན་པ་ལ་ལྟོས་པའི་བདེན་རྫུན་སྒྱུ་མའི་དཔེས་བསྟན་པའི་སྐབས་སུ་དོགས་པ་བཅད་པ།།

དེ་ལྟར་སྒྱུ་མའི་རྟ་གླང་དུ་སྣང་བ་རྣལ་འབྱོར་སྤྱོད་པའི་དབུ་མ་པ་ལྟར་ན་རང་རིག་མངོན་སུམ་དང་ཕྱི་རོལ་ཁས་ལེན་པའི་རང་རྒྱུད་པ་ལྟར་ན་ས་ཕྱོགས་སམ་བར་སྣང་ལྟ་བུའི་གཞི་འཛིན་པའི་དབང་པོ་མངོན་སུམ་གྱིས་འགྲུབ་ལ་ཞེས་སོགས་ཀྱི་སྐབས་སུ་སྒྱུ་མའི་རྟ་གླང་སྣང་བ་ལྟར་དུ་མེད་ཏེ་དེ་ལྟར་ཡོད་ན་མིག་མ་བསླད་པའི་གང་ཟག་དེ་དག་གིས་མཐོང་དགོས་པ་ལས་མ་མཐོང་བའི་ཕྱིར་ཞེས་པའི་རིགས་པ་ལ་བརྟེན་ནས་དེ་སྣང་བ་ལྟར་དུ་གྲུབ་པ་ཁེགས་ལ་དེ་སྣང་བ་ལྟར་མ་གྲུབ་པ་རྟོགས་པའི་བློ་ནི་རིགས་ཤེས་ཕྲ་རགས་གང་རུང་མ་ཡིན་ཏེ་དེ་ཡིན་པ་ལ་གཞི་དེ་ཐ་སྙད་པའི་བློ་རང་དགའ་བའི་དབང་དུ་བྱས་པའི་བདེན་གྲུབ་ཡིན་དགོས་པས་དེ་ལ་ཡང་དེར་སྣང་བྱུང་ན་དེས་སྟོང་མི་འོང་བ་དང་དེས་སྟོང་བྱུང་ན་དེར་སྣང་མི་འོང་བ་དང་གཉིས་ཡོད།

དཀོན་མཆོག་རབ་བརྟན།

ཡ་རབས་མ་རབས་སྤྱོད་པས་ཤེས། ལུང་པ་གང་ཡིན་སྐད་ཀྱིས་ཤེས། བོད་ཀྱི་གཏམ་དཔེ།

བག་དྲོ་ནི་ཕ་མའི་ཁ་ལ་ཉན་མཁན་གྱི་བུ་མོ་ཡ་རབས་ཤིག་ཡིན། མོ་རང་ད་ལོ་ལོ་བརྒྱད་ཡིན་ཞིང་གད་མོ་དགོད་དུས་སམ་འཛུམ་སྟོན་སྐབས། མདུན་སོ་བུད་པའི་བར་སྟོང་ནག་ཁུང་ངེར་མཐོང་མོད། འོན་ཀྱང་མི་ཚང་མས་མོའི་སྙིང་རྗེ་བའི་འཛུམ་མདངས་ལ་དགའ་པོ་བྱེད་ལ། ཁོ་ཚོས་མོའི་བྱི་རུ་ལྟར་དམར་བའི་འགྲམ་པར་བྱིལ་བྱིལ་བྱེད་ཀྱིན”ཅི་འདྲའི་ཤ་ཚ་བའི་བུ་མོ་ཞིག་རེད་ཨང་”ཞེས་བཤད་པ་དང་། དེ་དུས་མོས་གཟི་མིག་བཞིན་དྭངས་པའི་མིག་ཟུང་ཅུང་ཟད་ཇེ་ཆུང་དུ་སོང་ནས་སླར་ཡང་ཁོ་ཚོ་ལ་ཆེས་གཅེས་སྙིང་འདོད་པའི་འཛུམ་རེ་སྟོན་སྐབས། ཁོ་ཚོས་སོ་སོའི་ཕྲུ་གུའི་ཆེད་དུ་ཉོས་པའི་དབྱུག་པ་བྱི་རིལ་ཡང་སྟོད་ཐུང་གི་གློ་ཁུག་ནས་བཏོན་ཏེ་མོ་ལ་སྟེར་འཆོར་འགྲོ མོས་ཀྱང་ངོ་ཚ་དང་གུས་ཚུལ་འདྲེས་མའི་ངང་ཚུར་བརྐྱངས་པའི་ལག་ནས་དབྱུག་པ་བྱི་རིལ་དེ་བླངས་ནས་ཐུགས་རྗེ་ཆེ་ཞུས་རྗེས།

རང་ཐར།

"གནའ་སྔ་མོ་སྔ་མོ་ཞིག་ལ་འཇིག་རྟེན་འདིར་ཉི་མ་བདུན་དང་ཟླ་བ་བདུན་ཡོད་པ་དང་།མུན་ཟེར་བ་ཞིག་གཏན་ནས་རུབ་རྒྱུ་མེད།" དུས་རྒྱུན་ལྟར་ཨ་མ་སྒྲོལ་མས་རང་གི་བྱིས་པ་གཉིས་ལ་གཏམ་རྒྱུད་ཅིག་ཤོད་འགོ་བརྩམས།དོ་ནུབ་ཟླ་བ་མེད་པས་ཁོ་མ་སྨད་ཚོའི་ཁང་ཆུང་ནང་སྨག་རུམ་གྱིས་ཁེངས་ཡོད་པ་ལས་སྲིན་བུ་མེ་འཁྱེར་གྱི་འོད་ཙམ་ཡང་མ་མཆིས།འདི་ལྟ་བུའི་མཚན་མོར།ཁྱིམ་མཚེས་ཚོའི་མཆོད་སྒྲོམ་སྟེང་སྤར་བའི་སྒྲོན་མེའི་འོད་ཟེར་ལ་ཟླ་བ་ཤར་བའི་མཚན་མོ་ལས་ལྷག་པའི་གསལ་ཆ་ཞིག་ལྡན་ཞིང་།ནང་གི་ཐབ་ཁ་དང་དེའི་ཐོག་བསྐྱོན་པའི་སྣོད་རེ་ཟུང་།ཀ་བ།ཆ་སྒམ།དེ་བཞིན་ཉལ་ཁྲི་དང་ཉལ་ཁྲིའི་ཐོག་ཉལ་བའི་མི་རྣམས་རབ་རིབ་ཅིག་མཐོང་ཐུབ་མོད།འོན་ཀྱང་ཨ་མ་སྒྲོལ་མ་མ་སྨད་གསུམ་ལ་མཆོད་མེ་སྤོར་བའི་མར་དང་དངུལ་མེད་པས།མཚན་མོའི་མཐའ་དང་མཚམས་མེད་པའི་མུན་ནག་སྟུག་པོས་ཁོ་མ་སྨད་ཚོ་དང་ཁོ་ཚོའི་ཁང་ཆུང་ཡོངས་སུ་བཏུམས་ཡོད།མོའི་བྱིས་པ་ཆེ་བ་སྟེ་ལོ་བདུན་ལ་སོན་པའི་བུ་ཆུང་དེ་མོའི་ཉལ་ཁྲིའི་མགོ་ན་བརྒྱབས་པའི་ཉལ་ཁྲིའི་སྟེང་སྔས་ཐུག་བྱས་ནས་ཉལ་ཡོད་ལ།མོས་བུ་མི་འཁྱག་པའི་ཆེད་དུ་རང་གི་སྤུ་རྫོང་སྟུག་པའི་རྩག་པ་བཟང་ཤོས་ནང་བསྙལ་བའི་ཐོགརྙིང་ཟད་དུ་གྱུར་པའི་འཕྱར་བ་ཞིག་ཀྱང་སྟེང་དུ་བཀབ་ཡོད།བྱིས་པ་ཆུང་བ་སྟེ་ལོ་ལྔ་ལ་ཐོན་པའི་བུ་མོ་དེ་རང་གིས་རུམ་ནས་ཡོད།སྨག་དེ་ལྟར་སྟུག་རུང་མོས་རང་གི་བུས་མ་ནེ་རྩག་པའི་གོང་ང་ལ་གཏུགས་ཏེ་འགོ་བརྩམས་མ་ཐག་པའི་གཏམ་རྒྱུད་ལ་ཉན་ནས་ཡོད་པ་རྟོགས་ཐུབ།