ནགས་ཤོད་སྐལ་རྒྱན།
ཕ་ཡུལ་ས་ཐག་རིང་བའི་ཕ་རོལ་ན། །
ཕ་མའི་གནས་ལུགས་གླེང་བའི་ཕ་བཟང་བུ། །
ཕ་མའི་ལ་རྒྱ་འཚོ་ནས་ཕ་རྗེས་འབྲང། །
ཕ་མེས་དམ་པའི་ཕ་ཡུལ་སྐྱོང་ནས་ཤོག །
ཕ་མ་བཟང་པོའི་ཕ་སྐད་ངག་སྒོ་དབྱེ། །
ཕ་ཡུལ་ལོ་རྒྱུས་རིང་མོའི་ཕ་ཡུལ་འཚོལ། །
ཕ་མའི་གཤིས་ཀ་བཟང་བའི་ཕ་ཡུལ་ན། །
ཕ་མའི་བསླབ་བྱ་ཕ་བུའི་ལ་རྒྱ་ཡོད། །
ཕ་ཁྱིམ་དྲོན་མོ་ཕ་མའི་དྲོད་ཁོལ་ལྡན། །
ཕ་བཟང་བུ་སྐྱིད་ཕ་མའི་བཀའ་དྲིན་ཡིན། །
ཕ་མ་མ་བརྗེད་ཕ་བུའི་དམ་ཚིག་ཡོད། །
ཕ་མ་ལ་གུས་ཕ་མའི་དྲིན་ལན་ཡིན། །
ཕ་མེས་མང་པོས་ཕ་ས་ཕྱུག་མོ་ན། །
ཕ་ནོར་བསགས་པའི་ཕ་ཡུལ་བང་མཛོད་ནང་། །
ཕ་མས་བྲིས་པའི་ཕ་ཟོག་ཁ་བྱང་ཡོད། །
ཕ་ཤུལ་བུ་ཡི་ལོངས་སྤྱོད་ཕ་མས་བཞག །
ཕ་མའི་མིག་ཟུང་ཕ་བུའི་ལམ་ལ་བལྟས། །
ཕ་མའི་རྣ་བས་ཕ་བུའི་གོམ་སྒྲ་ཉན། །
ཕ་མའི་སེམས་ནང་ཕ་བུའི་མདུན་མ་བཞག །
ཕ་མ་བཟང་པོའི་མིག་རྒྱང་ཕ་མཐའ་ཡས། །
ཕ་མའི་ཡོན་ཏན་ཕ་མའི་སེམས་ཁོང་ན། །
ཕ་མའི་བྱམས་བརྕེ་ཕ་མེས་རིང་མོར་བརྒྱུད། །
ཕ་མའིབུ་ཆུང་ཕ་ཡུལ་སོན་རྩ་ཡིན། །
ཕ་མ་བཟང་པོའི་ཕ་ཡུལ་ཐབས་ཀྱིས་སྐྱོངས། །
ཕ་ཡུལ་ནགས་ཀྱི་རླུང་ཤོད་ཕ་ས་ན། །
ཕ་མའི་བུ་ཕྲུག་ཕ་མེས་སྐད་ཡིག་ཡོད། །
ཕ་མེས་རིག་གཞུང་ཕ་བུའི་སྙིང་ནོར་ཡོད། །
ཕ་རོལ་དགྲ་ལ་ཤོར་ན་ཕ་བླ་ཡིན། །
ཕ་ཆོས་རྣམ་དག་ཕ་མེས་དམ་པས་བཞག །
ཕ་དགོན་དག་མ་ཕ་མ་འདས་པོས་བཞེངས། །
ཕ་མའི་བུ་ཆུང་ཕ་ཆོས་རྒྱུད་འཛིན་ཡིན །།
ཕ་མའི་རེ་བ་འགྲུབ་པའི་ཕ་ཆོས་སྦྱོངས། །
ཕ་ཡུལ་སྟོད་སྨད་ཕ་སའི་དཀྱིལ་འཁོར་ན། །
ཕ་ཡུལ་གཅིག་པས་ཕ་བཤད་སྙན་མོ་བྲི། །
ཕ་ཡུལ་ཕ་མ་ཕ་སྐད་བརྗོད་བྱ་བྱེད། །
ཕ་མའི་ལོ་རྒྱུས་ཕ་ཚེ་བུ་རབས་གླེང་། །