ནགས་ཤོད་སྐལ་རྒྱན།
མི་ལ་མཁོ་བའི་བསླབ་བྱའི་གདམས་ངག་འདི།།
མི་ཆོས་གསལ་བའི་དང་ཤེལ་མེ་ལོང་ཡིན།།
མི་སྡུག་སྡུག་པའི་གཟུགས་བརྙན་སྣ་ཚོགས་ཀུན།།
གསལ་བར་མཐོང་འདོད་ཅན་ལ་མདོ་ཙམ་སྤེལ།།
དེ་ཡང་དམ་པའི་ལྷ་ཆོས་དང་འཇིག་རྟེན་མི་ཆོས་སྟོན་པའི་བསླབ་བྱའི་གནས་དག་ནི། དམ་པ་རྣམས་ཀྱི་ཐུགས་ཀྱི་ཉིང་ཁུ་ཕྱུངས་པ་ལྟ་བུ་ཡིན་པས་མི་ཚེ་དོན་ལྡན་འདོད་པ་དག་གིས་ཅི་ནས་ཀྱང་བསླབ་དགོས་པ་ཡིན་ནོ། དམ་པའི་ལྷ་ཆོས་ལས་བསླབ་བྱའི་གནས་དག་ལེགས་པར་སྟོན་མོད་སྐབས་འདིར་མི་འཆད། འཇིག་རྟེན་མི་ཆོས་སྟོན་པའི་བསླབ་བྱ་མང་པོ་ཡོད་པ་ལས་སློབ་དཔོན་ཁོང་ཙིའི་སློབ་མའི་བསླབ་བྱ་འདི་ནི་ཚིག་ཚོགས་ཆུང་ལ་དངོས་དོན་འཇིག་རྟེན་འདིར་དགོས་མཁོ་ཤིན་ཏུ་ཆེ་བ་ལྟ་བུར་འདུག་པ་ནི་བཤད་པའི་ཆོས་སོ།། འདི་འཆད་པ་ལ་གསུམ། བཤད་པ་ལ་འཇུག་པ་དང་། བཤད་པ་ཉེ་བར་དགོད་པ། བཤད་པ་ཡོངས་སུ་རྫོགས་པའི་ཚུལ་ལོ། དང་པོ་ནི།