བསྟན་པ་དར་ཕྱུག་ནི་འབྲི་རུ་རྫོང་ཆགས་རྩེ་ཤང་གི་འབྲོག་སྡེ་ཆུང་ཆུང་ཞིག་ཏུ་སྐྱེས་ཞིང་ཆུང་དུས་ནས་སློབ་ཆུང་འགྲེམ་པའི་བསྐལ་བཟང་ཐོབ། དེ་རྗེས་ཕྱི་ལོ་ ༢༠༡༡ ལོར་རྒྱ་གར་དུ་འབྱོར་ཏེ་ཤེས་རབ་དགའ་ཚལ་སློབ་གླིང་དུ་སློབ་སྦྱོང་བྱེད་པའི་གོ་སྐབས་རག་པ་དང་།
སྐབས་དེར་སློབ་གླིང་དེའི་ <<ས་བོན་ཚགས་ཤོག་>> དང་། <<ཁ་བའི་མེ་ཏོག་>> འདོན་ཐེངས་བཅུ་གསུམ་གྱི་རྩོམ་སྒྲིག་པའི་ལས་འགན་ཁུར། ༢༠༡༤ ལོར་ས་རཱ་མཐོ་སློབ་ཀྱི་མཐོ་རྒྱུགས་ལ་ཚུད་པ་དང་། དེར་ལོ་བཞིའི་རིང་བོད་ཀྱི་རིག་གནས་ལ་སྦྱང་བརྩོན་དང་ལྷག་ཏུ་རྩོམ་རིག་གི་ཐོག་ལ་ཆེད་སྦྱོང་ལོ་གཉིས་བྱས། གཞན་ཡང་སྐབས་དེར་ <<གངྒཱའི་བཞད་སྒྲ>>འདོན་ཐེངས་ཉེར་བདུན་གྱི་རྩོམ་སྒྲིག་པའི་ལས་འགན་ཁུར་མྱོང་ཡོད། སློབ་མཐར་ཕྱིན་རྗེས་ད་བར་མེག་ལོར་དུ་ལས་ཀ་ཙག་ཙིག་འགའ་བྱེད་ཞོར་རི་མོའི་ཐོག་ལ་སྦྱང་བརྩོན་བྱེད་བཞིན་པ་བཅས་ནི་ངོ་སྤྲོད་སྙིང་བསྡུས་སོ།
