དགའ་ལྡན་སྙན་བརྒྱུད་སྤྲུལ་པའི་གླེགས་བམ་ལ་བརྟེན་ནས་གསར་རྩོམ་ཞབས་བརྟན་ཆེན་མོ་ནོར་བུའི་རྒྱ་མཚོ་བཞུགས་སོ།།
ན་མོ་གུ་རུ་ཛཱ་ཡ་ཨིཎྜ་ཡ།
རྒྱལ་ཀུན་སྙིང་རྗེ་འོ་མའི་ཆུ་གཏེར་ཀློང༌།།རབ་དཀར་སྤྱན་ལྡན་ཕྱག་གི་ཡལ་འདབ་འཛུམ།།
༧བསྟན་འཛིན་རྒྱ་མཚོ་སྙིང་རྗེའི་པདྨ་དཀར།།རྒྱལ་ཀུན་ཡོངས་ཀྱི་འཁོར་སྒྱུར་ཞབས་བརྟན་ཤོག།
དགེ་མཚན་ཀུན་ལྡན་ཙོང་ཁའི་ཞིང་མཆོག་ཏུ།།བློ་བཟང་གྲགས་པ་སླར་ཡང་ཁྱོད་བྱོན་ཚེ།།
བྱང་ཆུབ་ཤིང་ལས་ཡལ་འདབ་གསར་འཁྲུངས་ཤིང༌།།རིགས་གསུམ་ཡོངས་ཀྱི་འཁོར་སྒྱུར་ཞབས་བརྟན་ཤོག།
སྲོང་བཙན་གསེར་གྱི་འཁོར་སྒྱུར་པོ་ཏཱ་ལར།།སླར་ཡང་ཞབས་ཟུང་ཉི་ཟླ་གསལ་བའི་འཛུམ།།
བཞད་པའི་སྙིགས་ལྔའི་མུན་ཚོགས་དྲུང་འབྱིན་པའི།།གངས་ཅན་ཞིང་གི་འཁོར་སྒྱུར་ཞབས་བརྟན་ཤོག།